Plantun de Prouvènço

Pèr coumpara dos planto d'encò nostre

Thymus pulegioides & Vicia sallei

Ferigouleto(-pichot-chaine)

Thymus pulegioides

Lamiaceae Labiaceae

Àutri noum : Farigouleto, Serpoulet, Badassoun, Menudet.

Noms en français : Thym faux pouliot, Serpolet petit-chêne.

Descripcioun :
Aquesto ferigouleto se retrobo dins li pelouso de mountagno mounte èi pas raro ; trachis pulèu sus sòu séusous. Jamai eisado à destria d'un biais segur, fau bèn regarda la cambo, carrado emé de péu sus li caire (e pas tout à l'entour o sus dous coustat). Apoundèn que la planto crèis d'un biais simpoudique, emé de ramo que parton dre tout de long de la tijo, e gaire acabado pèr un tros bèn rama. Pensa de coumpara emé lis àutri ferigouleto de mountagno.

Usanço :
La ferigouleto--pichot-chaine a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 3 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2 mm
Flourido : Printèms - Estiéu

Sòu : Si (Ca)
Autour basso e auto : 0 à 2400 m
Aparado : Noun
Mai à avoust

Liò : Tepiero seco - Pelouso
Estànci : Subremediterran à Subaupen
Couroulougi : Éurasiatico
Ref. sc. : Thymus pulegioides L., 1753

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).